Петар Печков
Објавено: четврток, 30 ноември 2023
Заврши обновата на регионалниот пат Велес -Градско, со што е испочитуван пролонгираниот рок кој беше до денес, 30 ноември. Изведувачот беше воведен во работа на 30 август лани, а рокот за изведба на градежните работи од 9 месеци истече на 30 мај годинава, кога од ЈП Државни Патишта (ЈПДП) соопштија дека поради непредвидени и дополнителни работи, рокот за работа е продолжен за шест месеци. Должината на трасата која се обнови е 22 километри, со два слоја на асфалт.
За разлика од регионалниот пат Велес - езеро Младост кој неодамна исто така беше рехабилитиран и не е обележан со хоризонтална сигнализација, делницата Велес - Градско е обележана а поставена е и заштитна ограда на дел од трасата. Тој се користи како алтернација за автопатот на релација Велес - Градско.
Вредноста на работите е 347.356.374 денари,обезбедени со заем од ЕБОР, а изведувачи беа „ХИДРОСТРОЈ“ и „ЕСКАВАТОРИ“ МК ДООЕЛ. Инвестицијата беше на ЈП ДП.
| Tweet |
