Петар Печков

Објавено: четврток, 03 ноември 2011 895 341

 Со цел да се забрза развојот на заедничките дејности, во Република Македонија  се отвори канцеларија на Националното здружение на градежни работници (ANCE) на Општината Асколи Пичено. За таа цел  денес во Велес се потпиша  Меморандумот за соработка помеѓу двете  општини. Со потпишувањето на овој документ се изразува поддршката што двете општини и ја даваат на оваа стопанска  соработка на градежните фирми.

 Двата документи потпишани во Италија, и овој тука во Велес, се солидна база за развој на градежните фирми од Македонија и Италија. Тој е почетен акт за развој на заеднички дејности и можност за инвестирање и унапредување на соработката - рече Горан Петров градоначалник на Велес Тој на гостите им ги понуди како можност за инвестирање трите индустриски зони, езерото Младост како туристички центар, винскиот пат и културното богатство на градот. Во Велес допатува бројна делегација од овој италијански град и регион.

 Дојдовме овде да градиме заедничка иднина. Со помош на нашите градежници, полесно ќе стигнете до ЕУ – порача претседавачот на Советот на оваа италијанска општина. Соработката помеѓу Велес и Асколи Пичено започна во јули годинава, по барање на италијанците.