Петар Печков
Објавено: четврток, 18 мај 2023
Од вчера 17 мај започнаа активности за спроведување на пролетната дератизација на јавни површини и јавни објекти кои се во надлежност на Општина Велес.
„Дератизација се врши два пати годишно во пролетниот и есенскиот период. Во следните неколку дена ќе биде опфатена површина од 150.000 м2, односно сите јавни површини во градот, како и двата брега на реката Вардар, од Башино село до компанијата „Агриа”. По спроведена постапка за извршување на овие активностите избран е операторот ЈЗУ Центар за Јавно здравје – Велес“ - информираа од локалната власт.
Ова е една од општите мерки кои општината ги презема, за заштита на населението од заразни болести.
„Препаратот кој се користи за дератизацијата е селективен, од сертифициран производител и ја третира популацијата на глодарите. Со одобрение од Министерство за здравство на Република Северна Македонија, за употреба во јавната хигиена, не преставува опасност за останатиот животински свет“ - дополнуваат од Општина Велес.
| Tweet |
