Петар Печков

Објавено: четврток, 02 мај 2024 108 33

Започнаа подговките за премиерата на новата претстава „Без крв“ која велешкиот театар „Јордан Хаџи Константинов Џинот“ ја работи со Драмскиот театар од Пловдив. Истата е дел од двегодишниот меѓународен проект „Манифест“кој се реализира во соработка со Бугарскиот културно информативен центар во Скопје и БЦИЦ Скопје.  Проектот се реализира со поддршка на министерствата за култура на двете земји.

„Културната размена е добредојдена за двете држави, Бугарија и Македонија. Патот преку културата, поточно театарот, е најсрдечен, најбрз и најсилен,  народите од  двете држави да можат да се обединат.“ кажа режисерката Добрева. 

Таа во Македонија ја има работено преставата  „Магбет“  од Шеспир, во  Албанскиот драмски театар оd Скопје.  А лани на театарскиот фестивл Стоби учесуваше со преставата „Одисеја“.  Таа при престојот во Македонијa вреше кастинг на актери од земјава, кои ќе учествуваат во претстaвата „Без крв“. Работена е по текст на бугарскиот писател Александар Секулов, кој ја пишувал по мотиви на италијанскиот  автор Алесандро Барико. 

 „Целта на проектот Манифест е да  преку два ракописи на два исклучителни драмски режисери, да се обидеме да ја поставиме парадигмата, што нам ни значи денес современиот театар“ – кажа Сашо Димоски, директор на велешки театар. 

Лани во рамките на овој проект „Манифест“ беше реализирана преставата „Едвард втори“   во режија на Дејан Пројкоски.  Премиерата на „Без крв“ е закажана за  септември на Меѓународниот фестивал „Сцена на раскрсница“ во Пловдив.