Петар Печков
Објавено: вторник, 23 февруари 2016
Грипот во Велешко се повеќе се шири, има се повеќе заболени. Така изминатата седмица во Центарот за Јавно здравје има регистрирано 625 лица заболени од грип а најмногу од нив 425 се на возраст од 15 до 64 годишна возраст.
Според нивната статистика, ваква бројка имало во истиот период и минатата година и таа е вообичаена за месец февруари. Споредбено мината седмица во Велес имаше 401 случај на заболени од грип, додека во последната седмица на јануари само 5 лица.
Во Центарот за Јавно здравје не добиле потврда дека некој од овие заболени лица од грип починал. Истовремено инфективното одделение во Велешката Општа болница е преполно со пациенти.
Поради големиот прилив на болни, во секоја од собите е додаден по еден кревет. Така таму моментално имало 48 пациенти, некои во дневната болница -15 и 33 лежечки болни. Симптомите на овогодишниот грип се кашлица, висока температура 38 до 40, болки во зглобовите, болки во грлото, слуз од носот.
| Tweet |
