Петар Печков

Објавено: четврток, 27 јануари 2011 1903 432

Годинаипол затвор за велешанец бидејќи преку интернет дистрибуирал порнографија со малолетничка.

Тој со видео камера се снимал додека имал сексуален однос со девојката и нејзината постара сестра, за да истиот клип во 2008-та година биде пуштен во јавноста.

Летото таа година овој клип беше вистински хит меѓу велешани а девојките по излегувањето на снимката во јавноста, останале и без работа, биле напуштени. Обвинетиот  се бранел дека во 2007-та година мобилниот му бил украден од непознат сторител, кој потоа го пронашол и го пуштил во јавноста клипот.

Но и покрај ваквата одбрана тој  не можел да докаже дека тогаш му бил украден мобилниот, туку во полиција грабежот на апаратот го пријавил  две години подоцна, во 2009-тата година. Поради ова судот го прогласи за виновен и му изрече казна затвор од 18 месеци, што е прва изречена во Македонија за ширење на малолетничка порнографија преку интернет.