Петар Печков

Објавено: вторник, 31 јануари 2023 3432 34

Затвореник од отвореното одделение до затворот Идризово во Велес, побегал, но за кратко време е лоциран и вратен на до отслужување на затворската казна. За овој настан ТрМр побара одговор од СВР Велес, кои го потврдија настанот.

„На 25.01.2023 во 20.05 часот во СВР Велес било пријавено дека од Казнено – поправната установа Затвор Идризово - Отворено одделение Велес избегал осуденикот А.С.(32 год) од Градско. По преземени мерки од полициски службеници од Полициската канцеларија Градско лицето било пронајдено и приведено на 26.01.2023 во 11.20 часот, по што било спроведено во установата“ - соопшти Ристе Самарџиев, портпарол на СВР Велес.