Петар Печков

Објавено: вторник, 31 јануари 2023 244 40

На Зимската Гимназијада, која од 11 до 23 февруари ќе се одржи во Турција, во зимскиот центар Ерзерум, за прв пат Велeс ќе има свои претставници. Тоа се младите 15 годишни скијачи Катја Зафирова и Петар Коруновски, ученици во Гимназијата Кочо Рацин од Велес. Тие ќе настапат во алпските дисциплини, слалом и велеслалом. 

Со нив ќе биде и професорот по физички воспитување Иле Попов, како тренер во клубот 28 каде овие двајца ученици се членови.

Настапот е овозможен и поддржан од страна на Федерацијата на училиштен спорт на Македонија и Скијачката Федерација на Македонија. 

Освен во алпски дисциплини, на Зимската Гимназијада ќе настапат и македонски претставници во биатлон.

На овој спортски  натпревар се очекува да настапат учесници, ученици  од Гимназии од  30 држави на Европа.