Петар Печков

Објавено: вторник, 26 ноември 2019 2202 163

Ноќеска силен земјотрес го погоди албанскиот град Драч каде  бил со јачина од 6,4 степени а се случил во 3,54 ч.  Досегашните информации од Албанија велат за најмалку шестмина починати и голем број разрушени домови. Земјотреси, како афтер шокови во Албанија се почувствувани се до 9,20ч. при што имало земјотреси и од 5,4 и 5,1 степени.

Сеизмолошката опсерваторија при Природно математичкиот факултет во Скопје, соопшти дека земјотресот силно е почувствуван и во Македонија. Тие што го почувстувале велат деак траел невообичаено долго 15 до 20 секунди.

Според досегашните податоци, земјотресот е почувствуван со интензитет од V степени според Европската макросеизмичка скала во западните делови на Републиката  - Охрид, Струга, Дебар, Гостивар, Тетово, IV-V степени во Скопје, Кичево, Битола и со интензитет од III-IV степени според истата скала во источните делови на Република Македонија - соопштија од ПМФ. 

Земјотресот  во Драч - Албанија е почувствуван и во Црна Гора, Хрватска, Босна и Херцеговина, Србија, Бугарија, Грција  и Италија или околу 10 милиони луѓе, велат стручните лица. 

Од Центарот за известување и тревожење во Велес,  информираа дека кај нив досега  се нема јавено граѓанин, да пријави штети од земјотресот кој утрово разбуди дел од велешани. Него силно го почустувале жителите на високите згради и новиот дел на градот, при што предизвика вознемирност и страв.