Петар Печков

Објавено: понеделник, 23 март 2020 3807 169

Од денеска почнуваат да функционираат 14 пунктови за земање материјали и брисеви за тестирање за корона вирус во целата земја, меѓу нив е и еден во Велес.

Тој се наоѓа во Центарот за јавно здравје (Хигиенски).  Ќе се тестираат граѓани по епидемиолошки индикации и со закажување по претходна најава кај матичниот лекар кој ќе треба да пополни алторитам што ќе укаже на тоа дали граѓанинот треба да биде тестиран или не.

Заинтересираните ќе можат да закажат земање брис преку матичните лекари, преку ,,мој термин,,. За ова имаме подготвена посебна просторија во Центарот за Јавно здравје во Велес,  со посебен влез, да не се мешаат со останати пациенти. Оваа услуга е бесплатна. Ќе се земаат брисеви единствено од лица кои се во ризик - изјави за ТрМр епидемиолог, примариус д-р Билјана Трајкова координатор за состојбата со корона вирусот во велешко.