Петар Печков

Објавено: сабота, 27 ноември 2021 417 107

Продолжува трендот на повеќе оздравени отколку ново заразени со ковид-1`9во велешко. Здравствениот билтен на Институтот за јавно здравје  е со податок дека  изминатите 24 часа оздравеле  20 пациенти додека нови позитивни случаи има 16. Или бројот на активни случаи во велешко е 344.

Намален е  бројот на згрижени  пациенти во трите ковид одделенија од велешка Болница. Таму претпладнево имаше 33  пациенти, три помалку од вчера,   Од нив 27  се потврдено  позитивни со ПЦР тест, по двајца се  непотврдени  и   негативни, но со здравствени проблеми, па  имаат потреба од здравствена заштита.

„Примени се четворица нови пациенти, испишани како оздравени се шестмина  со по еден негативен тест.   На  континуирана кислородна поддршка се 13“ - кажа д-р Елена Левкова Ќулумова, портпарол на велешка Болница.

На Инфективното одделение згрижени се 18, во Модулaрна болница  е 13  пациенти додека на Интерното одделение каде се сместени сомнителните случаи има двајца.