Петар Печков

Објавено: петок, 19 јули 2024 133 14

Средата наутро во селото Каратманово во пожар изгорел гулабарник сосе птици, како и сушара со земјоделски култури. Деталите од информацијата на МВР.

„На 17 јули во 08.40 часот во Полициската станица Свети Николе, С.С.(49 год) од село Каратманово, општина Лозово, пријавил дека околу 06.45 часот во дворот од неговата куќа бил опожарен гулабарник со гулаби, при што биле зафатени сушара за тутун и земјоделски култури“ – информираа од МВР.

Од екипа на Територијалната противпожарна едница Свети Николе пожарот бил изгаснат, а повредени лица нема. Увид извршила екипа од ОВР Свети Николе и се преземаат мерки за расчистување на случајот.