Петар Печков

Објавено: четврток, 21 декември 2006 743 349

Велешките советници по кратка  и итна постапка на седницата на Советот  ги донесоа промените на Деталниот урбанистички план за населбата „Тунел 2“ со што отворија простор за изградба на 40 станбени единици наменети за семејства со ниски примања.

По барање на невладината и непрофитна американска организација „Хабитат“ и во согласност од Министерството за транспорт и врски извршена е оваа промена.

Така сега „Хабитат“ ќе може да започне со изградба на 40 куќи, секоја со по 65 метри квадратни, кои ќе чинат 20 илјади долари.

Рокот на исплата е 20 години по четири илјади денари месечно рата.

Населбата би била готова за една година.

Со донесувањето на овие промени се легализираа и повеќе дивоградби во населба Тунел 2 но и други  доградби чии сопстеници работеле  без дозвола.