Петар Печков

Објавено: петок, 28 октомври 2022 303 43

Бранкица Јовановска, визуелен уметник, се претставува пред велешката јавност со нејзината изложба „Соочување“. Таа беше отворена вчеравечер во Ликовниот салон во Велес а авторката се преставува со 21 дело, изработени во колаж.

„Можеби темата на делата со кој се претставувам  е малце мрачна. Ги претставува демоните кои  ги имаме во глава и со кои се соочуваме поради одредени трауми  кои сме ги преживеале. Или случки кои ни оставиле лош впечаток, кој бара повеќе борба да се избориме со што сме  доживееле“ - кажа авторката.

Бранкица Јордановска работи и како  костимограф, сценограф  и културен активист. Таа го завршила на Факултетот за ликовни уметности на отсекот за графика во Скопје. Таа е една од основачите на Алтернативниот културен центар „Кула“ кој работеше во периодот од 2014 до 2016 година.  

Изложбата е дел од програмата на Народен музеј, е поддржана од Министерството за култура како Проект од национален интерес за  годинава.