Петар Печков

Објавено: петок, 22 септември 2017 846 297

Вчеравечер во Ликовниот салон  во Велес  беше отворена изложба на  дела од  Новица Трајковски. Изложбата е насловена ,, Убава е Македонија,,  и е дел од неговиот циклус ,,Божествена љубов,,.  Се претставува до 20-тина пејзажи работени во масло на платно и 10 портрети работени со дрвени бои на платно.  

Оваа изложба едноставно мора да  се види, затоа што има што да  е види. Лесно е приемчива за секој посетител. Се работи за многу добар автор, претставник на средната генерација  на врвни македонски автори. Има интересен флуид –реализам и модерна жичка  која е мошне интересна. Одамна не сме имале така реалистична изложба каде е опфатен пејзажот кој е неисцрпна инспирација  - рече скулпторот  Ангел Коруновски при отворањето на изложбата. 

Трајковски завршил средно уметничко  отсек  вајарство, а   ФЛУ  во 1988 година во класата на професорите Димитар Кондовски и Родољуб Атанасов. Самостојни изложби има остварено над 50 и многу групни изложби. Член е на Друштвото на ликовни уметници на Македонија. Живее и работи како слободен уметник.

Ова е дел  од  целокупното   мое сликарство посветено на  Божествена љубов. Македонија е  исклучителна и најубава и многу белосветски патници со голема  љубов  пристапуваат  кон нашата земја, сите сакаат да останат тука.  Од таму   сета моја инспирација со љубов  и достоинство го сликам тоа што го гледам. Има  пејзажи  од цела Македонија  , овие слики се дел од многуте постени на  мојата земја.   Има едно од повеќето  монументални дела, колку за илустрација. Портретите се повеќето колеги од уметноста  и тие се дел од Македонија – рече авторот Трајковски.

Во музичкиот дел  од изложбата настапија Менка Богоевска на виолина и Габриела Бачманова на пијано.