Петар Печков

Објавено: четврток, 10 март 2016 1176 276

Европскиот првак во автомобилизам во ридско возење Игор Стефановски Иџе, беше во Велес каде во салата Гемиџии ги советуваше младите велешани. Тој е во  посета на македонските градови, каде на младите им ги пренесува неговите искуства со брзиниет, но пред се ги потсетува дека не е се во брзината.  Кампањата е именувана  „Шапионот обединува – насмевка, живот, едукација“.

Јас брзото возење го практикувам таму каде му е местото, на патеката, не по градските улици. Преку овие трибини сакам да се зголеми сообраќајната култура. Сведоци сме дека е присутна сообраќајна некултура. Апелирам да се почитуваат сообраќајните знаци и правила. Треба да придонесеме сите заедно за побезбеден сообраќај – изјави Стефановски. 

Тој заедно со неговиот тркачки тим и автомобилот со кој победи беа мамка за младите, кои ја наполнија едната трибина во салата Гемиџии. Љубителите на брзото возење можеа да седнат на тркачки симулатор  и да возат на виртуелна тркачка патека. 

За присутните имаше претставување на повреден во сообраќајка, кои своето искуство го сподели со младите. Колку организторот внимавал на се, покажува и тоа што  обраќањето на гостите, беше преведувано со толковен јазик за лицата со оштетен слух. Гостувањетона Стефановски во Велес  беше со помош на локаланта власт и градоначалникот на Велес, Славчо Чадиев.

 Секогаш кога се брза, не се стигнува прв на целта. Тоа е стара вистина. Како локална самоуправа преземаме се за да имамее безбедно возење по улиците на Велес.Правиме се да не се случуваат сообраќајки – рече Чадиев.