Петар Печков

Објавено: петок, 11 август 2023 2641 37

Во полициска акција вчера во Велес, полицијата открила три лица кои одгледувале и поседувале марихуана

„На 10 август  по претходно добиена наредба од Основен суд Велес извршен е претрес во домовите на три лица во Велес. При претресот кај З.Ј. (50 год) од Велес се пронајдени и одземени две саксии со садници канабис сатива, повеќе пакувања со марихуана, едно пакување со опиум, едно пакување со амфетамин и дигитална вага. При претресот кај Д.Ј. (29 год) се пронајдени и одземени марихуана и поголем износ на пари, додека кај З.Ј. (26 год), двајцата од Велес, се пронајдени и одземени саксија канабис сатива и марихуана“ -соопштија од МВР.

Лицата  биле приведени во полициската станица во Велес и по целосно документирање на настаните, против нив полицијата  ќе поднесе  соодветни пријави.