Петар Печков

Објавено: среда, 09 мај 2012 1010 332

По повеќе месечна пауза започна со работа велешката фабрика за цигли Киро Ќучук.  Фабриката која поради големи долгови кон доверителите, пред два месеци се спаси од стечај, повторно е пуштена во работа од почетокот на неделава. Работно се ангажирани стотина лица, повеќето млади,  откако  повеќето вработени поради  со години неисплатените плати си дале отказ. 

Претходно државата и ги одзема концесиите за ископ на земја, глина и варовник откако АД Киро Ќучук  не ја плаќаше  концесијата. Раководството на фабриката не соопштува како ќе го решава овој проблем со суровините, но и со блокираната сметка која не функционира од јуни 2006-тата. Вработените се радуваат што таа се рестартираше, но стравуваат дали ќе се повтори состојбата од последните три години, кога фабриката ќе работи и по неколку месеци ќе сопре. Ад Киро Ќучук која важеше за една од најголемите фирми во Велес вработуваше и 800 работника пред десетина години, за сега таа да изнесува 100 лица.