Петар Печков
Објавено: четврток, 23 јануари 2014
Одборот на доверители на АД Киро Ќучук во стечај донесе одлука фабриката да се продава. Почетната цена е проценета вредност од 226 милиони денари или 3,65 милиони евра. Во неа влегува целокупниот комплекс и имот, производни погони, машини, транспортни средства, градежни објекти и хали.
Понудите во затворен плик треба да се достават во наредните 30 дена. Фабриката се продава без обврски кон вработените. Киро Ќучук отиде во стечај на 7 февруари лани по барање на УЈП. Таа имаше побарување од 361 милион денари е најголем доверител со 60 отсто од вкупната маса од 600 милиони денари долг.
Меѓу поголемите се и Фондот на ПИОМ со 105 милиони, Фондот на здравство 23 милиони и фабриката Еленица од Струмица со 27 милиони денари. Меѓу поголемите се и Фондот на ПИОМ со 105 милиони, Фондот на здравство 23 милиони и фабриката Еленица од Струмица со 27 милиони денари. Меѓу доверителите се и Општина Велес со 3,4 милиони и ЈКП Дервен со 4,7 милиони денари.
Во досегашниот период на стечајна постапка никој не пројавил интерес, ниту дошол да ја посети фабриката, за да ги види нејзините можности. Таа беше еден од поголемите капците за производство на цигли и тули на просторот од поранешна Југославија.
| Tweet |
