Петар Печков

Објавено: вторник, 01 јануари 2013 1002 337

Кованите пари од 50 дени се повлекуваат од промет. Најниската домашна валута од први јануари ќе биде еден денар.

Заокружувањето на крајната пресметка во готовинскиот и безготовинскиот платен промет и во деловните книги ќе се изврши така што износот до 49 дени ќе се занемарува, а износот од 50 до 99 дени ќе се заокружува на 1 денар.( што ќе признаетте беше вистинас реткост некој трговец да го практикува)



Замената на кованите пари од 50 дени банките ќе ја вршат до 31 март наредната година. По овој период таа ќе се врши во Народната банка. Монетите од 50 дени во оптек се ретки. Тие се помали од оние од 1 денар, со слична боја и првото нивно издание од 1993 година го вклучувало и стилизираното 16-крако сонце и претстава на галеб во лет.

Од денеска во оптек ќе бидат монети од 1, 2, 5, 10 и 50 денари и банкноти од 10, 50, 100, 500, 1000 и 5000 денари. Како платежно средство во Република Македонија денарот почнува да се користи од 1993 година. Претходно од 1991 година се користеа вредносни бонови.