Петар Печков

Објавено: понеделник, 19 март 2018 846 227

Пред некој ден, контејнерот кој е на  паркинг просторот пред  Салата Бели Мугри, заврши на пругата. Засега непознат (и) сторител(и) го фрлиле на железничката пруга Велес - Гевгелија.  Среќна околност е што не завшрил на шините, на некој  од бројните возови кои тогаш  сообраќаа, не удрил.

Така можело да дојде и до несреќа, објаснуваат упатените.  Но освен што е загрозена базбедност нажелезничкиот  сообраќај, целиот смет е расфлан во околината на контејнерот.  

Апелираме до граѓаните за поголема совесност. Деструктивното однесување може да предизвика последици по живот и по околината. За здрава животна средина, еколошки чиста со помалку отпад, потребно е заеднички да придонесеме сите. Така ќе го направиме Велес поубаво место за живеење - велат од Општина  Велес и најавуваат дека ќе сторат се да го откријат сторителот(те). 

ТрМр потсетува дека случен случај имаше   на 30 мај пред две години.  Тогаш новиот  кинески  патнички дизел воз удри во контејнер фрлен на  битолска  пруга во Велес. Инцидентот се случи  во 2,30 часот по полноќ, на делицата од пругата Велес - Битола и тоа во новиот дел на градот, близу    надвозникот.  Патничкиот воз кој сообраќал на линијата Скопје - Битола, удрил во метален контејнер кој бил на пругата. Немаше повредени патници и возен персонал, но беше   причинета материјална штета.