Петар Печков

Објавено: среда, 01 февруари 2023 626 37

Во текот на вчерашниот ден 31 јануари  во периодот од 12 до 16 часот на територијата на Општина Велес реализирана е акциска контрола на возила што вршат јавен превоз на ученици, за зголемување на безбедноста на учениците од дома до училиште и од училиште кон дома.

„При контролата се упатени на технички преглед седум возила кои вршат јавен превоз и сите се во исправна состојба, а ниту едно возило не било исклучено од сообраќај. Притоа, се откриени два  прекршоци од Законот за Возила и 10 прекршоци од Законот за безбедност на сообраќајот на патиштата, кои се соодветно санкционирани“ - соопшти Ристе Самарџиев, портпарол на СВР Велес.

Тој потенцира дека оваа активност е континуирана. Во изминатата година, а и со отпочнување на новата 2023 година, СВР Велес постојна спроведувала акциски контроли, последната била вчера, вторник.