Петар Печков

Објавено: понеделник, 11 април 2022 4522 73

Основното јавно обвинителство Велес донесе Наредба за спроведување истражна постапка против 20-годишник од Велес за кого постои основано сомневање дека сторил кривично дело – Неовластено изработување, држење, посредување и тргување со оружје.

„На 18 февруари, осомничениот неовластено држел огнено оружје – пушка марка „Баикал“ од руско производство, со калибар 12 милиметри, со две цевки со внатрешни ударни механизми и автоматска кочница. Движејќи се по улица во Велес, оваа пушка ја носел со себе, кога го запреле полициски службеници“ - соопштија од ОЈО Велес.

Поради околности кои упатуваат дека осомничениот може да се даде во бегство или да го повтори кривичното дело, до судијата на претходна постапка од Основен суд Велес,  бил доставен предлог за определување мерка притвор против осомничениот. Судијата го прифатил предлогот и на осомничениот му определил притвор во траење од 30 дена.

фото илустрација архива