Петар Печков

Објавено: среда, 16 март 2016 1387 343

Кристијан  Ефремов е единствениот натпреварувач од Македонија  кој ќе учествува  на СП во сала во атлетика кое се  одржува  во Портланд САД  од 17 до 20 март. Ќе настапи на трката на 400 метри на 18 март  во 11:35 локално време (19:35 македонско време). Пријавен е  со резултат 49.49, кој што го постигна на 30 јануари годинава на митинг во Стокхолм, Шведска. Тоа е негов  личен рекорд во сала,  а на отворено неговиот   личен рекорд е 47.92. 

Во Портланд атакувам на нов личен рекорд и се надевам дека достојно ќе ја претставам Македонија. Резултатите од зимскиот период ветуваат многу, за одлични резултати за сезоната на отворено  - најави Ефремов пред заминувањето за САД.  

Тој е е единствен преставник од Македонија на СП и патува сам без тренер. Ефремов веќе повеќе од година живее и тренира во Стокхолм, Шведска, и  е дел од клубот Хамарби. Учесник е на  ЕП во сала во Париз во 2011-та, СП во сала  во  Истанбул  и ЕП во Хелсинки на отворено 2012-та.    учестуваше на Олимпијадата во Лондон,  на Медитеранските игри во Мерсин -Турција 2013-та, на Европските игри во Баку 2015-та. на СП во Портланд има пријавено 148 држави уечснички и 547 натпреварувачи.