Петар Печков

Објавено: вторник, 09 јули 2024 55 18

Македонскиот репрезентативец во кајак спуст на диви води  велешанецот Кристијан Лазаров го освои 15 место во финалето на Европското првенство за јуниори и до 23 години, кое викендов се одржа во Швајцарија во Даленвил.

Тој по двете квалификациони трки во спринг за јуниори  го зазеде 12 во првата  односно 9 место во втората трка и се пласира во финалето меѓу 15 најдобри.

Во оваа конкуренција учествуваше уште еден велешанец Благој Гугинов, кој во двете трки освои 25 и 24 место, кои не беа доволни за пласман во финалето.

Тие двајцата веслаа во категоријата јуниори. Во нивната класа имаше 50 учесника. Европски првак во кајак спуст на диви води  стана Чехот, Мика Хајнек.