Петар Печков
Објавено: среда, 09 јануари 2019
Ланската 2018-та година во Велес биле собрани 4,35 тони електронски и електричен отпад, информираа од локалната власт. Тој е собран во текот на сите 12 месеци, при што прибрани се 1,5 тони е-отпад, додека во ноемвриската акција 2,86 тони.
Надлежните од Општина Велес објаснуваат дека во текот на сите 12 месеци физичките лица, граѓаните можат да се јават во ЈКП Дервен и да се договорат кога ќе биде предаден овој вид отпад, услуга која е бесплатна.
Тој се чува на општинската комунална депонија во адаптираниот простор за времено складирање на електронски и електричен отпад. Потоа се предава на овластениот колективен постапувач „Нула отпад“ ДОО Скопје за понатамошно постапување
Општина Велес упатува јавна благодарност до сите поединци, организации и компании кои се грижат за околината и го предаваат е-отпадот на ЈКП Дервен.
| Tweet |
