Никола Солев

Објавено: четврток, 20 април 2006 808 337

Конечно. После десет години пауза, најголемиот македонски бренд, легендарните Леб и сол, се соединуваат. По долги и исцрпни преговори, Авалон продукција потпиша седуммесечен договор со Бодан, Коко, Гаро и Влатко, кои со задоволство и соопштија на македонската јавност за големиот кам бек. „Овој бенд и овој проект, се надевам, ќе ги исправи грешките кои Бијело дугме ги направи - недостаток на продукција, недостаток на добар разглас, хаотична организирање на маса итн. Се надевам дека ќе извлечеме некакви поуки од нивната минатогодишна турнеја“, изјави Влатко Стефановски, музичар. „Претпоставувам дека таа прва проба што ќе ја имаме ќе биде навистина нешто многу возбудливо“, рече Бодан Арсовски, музичар. Леб и сол планираат својот 30-годишен јубилеј да го заокружат со концерти низ поранешните ју републики. Од сето тоа ќе произлезе и аудио и видео издание. Пред турнејата легендарната четворка најави дека за загревање ќе направи преработка на стара македонска песна, чиј спот ќе се врти по телевизиите. Извор: [url=www.a1.com.mk/vesti/default.asp?VestID=61639]А1[/url]