Петар Печков

Објавено: петок, 10 април 2020 1721 162

Од вчера лицата кои беа во 15 дневен карантин во велешкиот хотел „Монтенегро„ започнаа да го напуштат.  Вчера замина првата рупа од 42 лица, сите повратници од Малта, денес заминуваат 17 лица, повратници од Хрватска, Србија, Италија, Швајцарија, Германија, Бугарија.

Во текот на викендот ќе заминат и останатите десетмина, кои во овој објект беа во карантин а по нивното враќање од странство, кое го овозможи МНР.  За нивната здравствена состојба се грижеа доктори од ЈЗУ  Здравствен дом Велес и ЈЗУ Општа Болница Велес, кои наизменично дежураа по 24 часа во објектот.

Досега ниту еден од 70-тината лица во карантин во хотелот „Монтенегро„ не покажал знаци на присуство на ковид-19. Нив секојдневно им се вршени  здравствени прегледи од страна дежурна екипа  од доктор и медицинска техничар. 

Дел по дел, лицата како доаѓаа така заминуваат. Тие се наоѓаа под континуиран  државен карантин. Продолжуваме со медицинско обезбедување  на овие лица согласно насоките на Министерството за здравство - изјави д-р Страхил Тодоров портпарол на ЈЗУ Здравствен дом Велес.   

Објектот беше обезбедуван од АРМ и МВР и за изминатите две седмици не е регистриран никаков инцидент. Согласно насоките на Министерството за здравство овие лица го напуштаат хотелот во периодот после 16 ч. во времето на полициски час, кога заминуваат со полициска придружба.