Петар Печков

Објавено: понеделник, 06 февруари 2023 2278 52

Локалната власт започна со санкционирање на лица кои узурпираат државно земјиште за приватни цели  во Велес. Од пред некој ден, надлежните општински служби излегле на терен, на локации посочени од граѓани, дека се узурпира државно земјиште. За почеток тоа се случи во населба Керамидна.

„На барање на граѓаните од населба Керамидна, заедно со градежните инспектори бев на увид за утврдување на ситуацијата на терен, каде што несовесни сограѓани незаконски узурпираат државно земјиште. За двајца од нив е покрената постапка, а истото следува и за сите останати. Службите постапија кон отстранување на поставените обележја и објекти“ - кажа градоначалникот Марко Колев.

Тој најавува дека приоритет во работењето е законското  делување, како и дека   оваа акција ќе продолжи и во наредниот период.