Петар Печков
Објавено: сабота, 25 јануари 2014
Младинскиот велосипедски клуб МВК Велес е најдобaр во земјава во вело крос. Тие ова признание за екипа го добија на годишната завршна свеченост на Велосипедската федерација каде 11 признанија завршија во рацете на велешките велосипедисти.
Во категоријата друмско возење под 23 години Костадин Петров беше втор. Кај кадетите Кристијан Николов беше прв а Драган Цветков беше трет. Под 15 години браќата Кристијан и Виктор Ванчевски беа прв односно втор.
Во вело крос Костадин Петров кај сениорите беше трет а втор во категоријата до 23 години. Кај јуниорите Бојан Милошевски беше втор. Во кадетите Кристијан Николов беше втор а Драган Цветков беше трет. И во возрасната група под 15 години браќата Кристијан и Виктор Ванчевски беа прв односно втор.
Во планинскиот велосипедизам, популарниот маунтин бајк Кристијан Николов како кадет беше трет.
| Tweet |
