Петар Печков

Објавено: сабота, 03 јуни 2017 669 353

На Европското првенство во кајак слалом на диви води, кое викендов се одржа во Словенија на патеката Тацен близу Љубљана, во К-1  настапија  и двајца македонски репрезентативци, велешаните Борче Мирчевски и Александар Златаров.  

Тие имаа  слаб пласман и првенството го завршија во квалификациите, уште во  четвртокот, првиот ден од натпреварите.  

Во првата трка од  57 натпреварувачи Златаров беше 50-ти а и Мирчевски беше  51-ви. Во втората трка каде возеа  36, без најдобрите 20 од првото возење, Мирчевски беше 25-ти додека Златаров беше дисквалификуван.  

Нов европски  првак во   оваа дисциплина К-1 беше Полјакот  Матеуш Полјачук, втор неговиот сонародник   Дариуш Попеила а трет Чехот Јири Прскавец.