Петар Печков

Објавено: вторник, 12 јули 2011 1130 372

Велешката полиција ги идентификува напаѓачите кои изминатиот викенд со нож прободеа две момчиња во дворот на ОУ Васил Главинов.

Против сите нив се поднесени кривични пријави а напаѓачот кој ги прободе момчињата е малолетник.  Е.Џ. (15) , заедно со Е.Ш. (23) , С.М. (27) сите тројца од село Согле и М.З. (18) од село Теово кои се осомничени дека без повод и причина ги нападнале момчињата. Против истите ќе биде поднесена кривична пријава за сторено кривично дело, за прво пријавениот  Е.Џ.  заработи кривична пријава за тешка телесна повреда а  неговите другари Е.Ш. С.М. и М.З за учество во тепачка каде настапила тешка телесна повреда.

Нападот бил изведен без повод и причина, откако критичната ноќ  петокот, околу 01,40 часот по полноќ осомничените заедно со уште неколку други лица се движеле со патнички автомобил и сопреле во близина на училиштето. Таму започнале меѓусебна расправија, за да потоа без никаков повод и причина  започнат вербална расправија со оштетените, кои седеле  во училишниот двор, по што, осомничените ја прескокнале оградата и физички ги нападнале оштетените, удирајќи ги со раце и нозе во пределот на главите и телата. 

Во еден момент прво осомничениот Е.Џ. брат на девојката  која пред три месеци си го одзеде животот со службен полициски пиштол,  со ладно оружје - нож ги нападнал оштетените В.П и Д.З.  при што со нож ги прободел  во пределот на грбот,а вториот од ќотекот добил и скршеница на клучната коска. Сторителот Е.Џ. избегал а ножот според негови зборови го фрлил во Вардар.