Петар Печков

Објавено: недела, 15 февруари 2026 176 4

Велешката полиција ноќеска на преминот од сабота во недела, контролирала дали малолетници има во угостителски локали и дали се служени со алкохол. 

„На 14/15.02.2026 во Велес, во периодот од 23:00 до 01:00 часот, полициски службеници од СВР Велес извршиле акциска контрола на три угостителски објекти за присуство на малолетници во угостителки објекти после 24:00 часот и за точење на алкохол на малолетници. Притоа, во еден угостителски објект биле затекнати две малолетни лица кои биле послужени со алкохол, а на пет малолетници им било овозможено присуство во угостителскиот објект после 24:00 часот“ – информира Ана Милевска Ѓорѓиева, портпарол нa СВР Велес.

Извршен бил службен разговор со вработена во угостителскиот објект, а малолетниците биле предадени на нивните родители. 

По целосно документирање на случаите, полицијата  ќе  поднесе соодветни пријави.