Петар Печков

Објавено: понеделник, 04 април 2016 1399 333

Мина една година откако Велес доби метеоролошка станица. Поставена е во близина на зградата на Болницата и тамошниот хелиодром.   Тогаш беше најавено дека наскоро велешани ќе можат да  добиваат податоци за температурата, врнежите, брзината  и правецот на ветерот.

Но по 12 месеци, податоците кои  нетрпеливо ги чекаа, велешани  никако да ги добијат. Никаде ги нема, не е познато на колку степени живееме лете или зиме, дали и колку вренжи паднале и од која страна дува ветерот.   На поставеното прашање до надлежните од Управата за хидро-метеоролошки работи на Македонија, одговорот е дека апаратот работи ама никој не ги прикажува вредностите.

 Медиумите креираат свои табели и ние тука не можеме да се мешаме во нивната уредувачка политика, што тие ќе објавуваат. На веб страната на нашата служба  тие можат да се видат и прочитаат, исто како и прогнозите за наредните денови  - изјавија од УХМР. 

ТРМР ќе се обиде технички да ја реши оваа новина и наскоро дневните вредности кои се однесуват за Велес, посетителите редовно да ги добиваат и бидат достапни за јавноста. Патем за илустрација и  за пример највисока темепратура деновие кои изминаа во Велес беше на 31 март, четврток  во 16 часот од 25 степени.