Петар Печков

Објавено: вторник, 02 јули 2013 515 285

Примената на електронскиот рецепт ќе започне од 1 август, а не од 1 јули  како што првично беше најавено.
Министерството за здравство, наспроти проблемтие на терен и револтот од докторите и пациентите,  извести дека денеска успешно стартуваше системот „Национален систем за електронска евиденција во здравството“ и тоа во делот на електронско упатување со закажување и Е-рецепт. Но, биле забележани неколку маргинални проблеми со истиот.

„Би сакале да им се извиниме на сите оние кои поради овие недостатоци имале непријатности во реализацијата на нивните потреби и истите ги реализирале со потешкотии или не успеале воопшто“, стои во соопштението.

„Министерството би сакало да потенцира дека ова е прв и единствен засега ваков огромен систем, кој се имплементирал во кој било здравствен систем воопшто. Имавме максимален број на реализирани разменети податоци, над 1.500.000 податоци што претставува убедливо најголем број разменети податоци во единствен систем во историјата на Република Македонија. Проблемите коишто беа детектирани најмногу се должат на неусогласеноста и неоптимизираноста на програмските пакети коишто ги користат лекарите од примарна здравствена заштита со софтверот на Министерството“, соопшти МЗ.