Петар Печков

Објавено: четврток, 07 март 2013 862 309

Минатонеделното високо ниво на реката Вардар кога тој се разлеа во центарот на Велес , донесе и бројни дрвја. Дел од нив се закачија на носачите од двата моста во градот, Гемиџии и Стар мост. Граѓаните стравуваат за безбедноста, оти мостовите се нишале а од општина Велес, стигнуваат смирувачки вести, мостовите се безбедни.

Не е нарушена стабилноста на двата моста. Нема никаква опасност по безбедноста  на минувачите и автомобилите. Иако мостот Гемиџии е под надлежност на Агенцијата на патишта, како и претходниот пат, есеноска,  ние ќе ги отстраниме дрвјата. Само ќе треба да се симне нивото на реката, за да можат стручните екипи да  работа. Исто така ќе постапиме и со Стар мост, иако таму е многу потешко да се пријде со механизација, нема пристап. Но и тие дрвја кога Вардар ќе има ниско ниво ќе ги отстраниме – изјавија од Општина Велес. 

Пред недела дена, кога Вардар имаше голем проток, поради сигурносни причини беше забранет за користење мостот кај Башини Село. Откако беа отстранети наносите на стебла, кои сериозно ја нарушија стабилноста, мостот по 12 часа беше пуштен за сообраќај. Но и на  неговите носачи има закачено дрвја  и тие ќе треба да се отстранат.