Петар Печков

Објавено: вторник, 29 април 2014 1189 259

Од 30 април годинава, среда  од 4 часот се воспоставува времен режим на одвивање на сообраќај за време на реконструкција на мостот „Гемиџии“ на река Вардар на улица „Илинденска“ во Велес (Нов Мост)

Дел од улицата „Илинденска“ (Нов Мост) ќе биде затворен за сообраќај, и истиот ќе се одвива по улиците „8ми Септември“ преку „Стар Мост“ , кон улица „Петре Прличко“ и „Димитар Влахов“ .
   
Товарните возила кои влегуваат во Велес откај Штипска клучка, ќе се упатуваат преку населба Речани кон крстосница Башино Село, од каде ќе можат да влезат во градот. Полицијата го препорачува овој правец и за останатите учесници за да се избегнуваат гужвите во градот.

 Мостот ќе бдие затворен и за пешаци и за автомобили. Реконструкцијата е предвидена да трае до 31 август. СВР Велес ќе превземе мерки за безбедно одвивање на сообраќајот .

 СВР Велес апелира до возачите да ја почитуваат поставената сигнализација  и ги замолуваме да се воздржат од паркирање на своите автомобили на наведените улици, заради нормално и безбедно одвивање на сообраќајот.