Петар Печков

Објавено: петок, 04 август 2023 188 33

На 2 август, ма Илинден,  Отсекот за превенција при СВР Велес на автопатот „Пријателство“, односно на наплатните станици „Демир Капија“ и „Виничани“, спроведе сообраќајно едукативна активност под мотото – „Вози одморен“.

„Во разговорите со граѓаните полициските службеници укажуваа дека заморот е една од честите причини, особено во летниот период, за предизвикување на сообраќајни несреќи. Овие превентивни активности се главно насочени на делницата од граничниот премин Табановце до Гевгелија, каде во овој период особено се зголемува бројот на возила како домашни така и странски, а кои што транзитираат по овој коридор“ - информираа од МВР.

На  возачите им биле  делени едукативни летоци, изработени со поддршка од Републичкиот совет за безбедност на сообраќајот на патиштата, со информативни содржини околу важноста од внимателно возење, за потребата од краткотрајни одмори пред се заради високите температури и совесно однесување во сообраќајот. Воедно на возачите и патниците им се  делеле и шишиња со вода за освежување.