Петар Печков

Објавено: сабота, 21 ноември 2020 379 121

Во денешната акција на крводрување, која беше во организација на ЗГ „Велес бајкинг„ и Општинскиот црвен крст од Велес се собраа 34 крвни единици. Осум од нив беа од дарители жени а четири лица за прв пат дарувале крв. 

И оваа крводарителска акција Црвениот крст ја одржа заеднички со Институтот за трансфузиона медицина, а за прв пат како дел од тимот организатори се вброи и здружението на граѓани љубители на велосипедско возење „Велес бајкинг“. Токму нивните членови беа голем дел од крводарителите на акцијата - соопштија од ОО на Црвен крт Велес. 

Досега заклучно до 31-ви октомври во велешко, заедно со општините Чашка и Градско собрани се 2.759 крвни единици, со што е натфрлен планот за 2020-та година од 1861 крвна единица.  Во месец ноември на три крводарителски акции во Велес се даруваа вкупно 161 крвна единица.