Петар Печков

Објавено: вторник, 26 јануари 2021 301 128

Дарителите од Општина Чашка во голем број  се одѕваа на првата крводарителска акција во 2021 година. Во големата сала на Основното училиште „Тодор Јанев“ се собраа 22 крвни единици, седум се жени и двајца прв пат се дарители.

Тоа е добар почеток на годината ако се имаат во предвид условите и пандемијата во која се наоѓаме- кажа Орце Николов, секретар на ОО на Црвен крст Велес. На ланската акција, организирана во овој период беа собрани 15 крвни единици.

Традиционално крводарителската акција заеднички ја организираат Црвен крст на Општинска организација Велес и Институтот за трансфузиона медицина од Скопје, помогнати од Општина Чашка и ООУ „Тодор Јанев“.

Во текот на минатата година во Чашка се одржаа две крводарителски акции на кои се даруваа вкупно 54 крвни единици.