Петар Печков

Објавено: понеделник, 25 октомври 2021 543 117

Во просториите на Светската галерија „Остен“ во Скопје беше врачена наградата „ЦИЦО“ на велешанецот, карикатурисот Миле Манчевски.  Наградата е наменета за македонски карикатуристи и се доделува традиционално на Светската Галерија на карикатури која е една од најпрестижните манифестации од оваа област во светот. Наградата Цицо се добива за целокупниот ангажман и творештво на еден автор- карикатурист. 

„Јас сум посебно благодарен на ова големо признание и за мене претставува еден додатен стимул да продолжам да работам со ова темпо и да изнаоѓам нови полиња како инспирација“ – кжа авторот Манечвски при добивањето на наградата. Во таа чест беше отворена и самостојна изложба на карикатири на МИЛМАН, уметничкото име на авторот, при неговото творештво. 

„Јавната комуникација е полна со навреди, омраза, а тоа е одраз на страв, несигурност и неподнослива леснотија на неодговорност за пуштената мисла во етер. Карикатурата е уметност на пренесување на пораки. Оттука артикулацијата на критичката мисла кај Манчевски сублимирана во визуелна порака е вистинската вредност на карикатурата која треба да се препознае и негува, да се надградува и усовршува. Во јавната комуникација денес како да недостасува артикулација, затоа – крајно време е да ја вратиме карикатурата на вистинското место, а Миле Манчевски неуморно работи на тоа“- рече Корнелија Конеска извршна директорка на ОСТЕН Скопје, при отворањето на изложбата и на доделувањето на наградата „Цицо“.