Петар Печков

Објавено: вторник, 13 јули 2010 890 359

. Оваа година проблемот ќе ескалира и наместо еден со ваков проблем ќе се судрат четири класа. Ваквата состојба, проблемот со просторот се појавил од пред три години, откако наместо осум паралелки го најстарото училиште во Македонија, со повеќе од век и половина настава, започнаа да се запишуваат по девет класа, поради  паралелката на албански јазик.

По две години од новата уписна политика се исцрпеа просторните можности на училиштето а цехот го платија учениците, кои мораа да чекаат да се ослободи просторија за да ја продолжат наставата. Раководството на Гимназијата Кочо Рацин потврдува дека имаат просторни проблеми и  превземаат чекори  тоа да се реши, но зависело  од државата и општината

Постојат две решенија за нашиот проблем,  учениците да имаат секојдневно по осум часови  настава или да се подигне уште еден кат, со што би се решил и проблемот со прокиснувањето на кровот. За ваквата состојба запознати се и надлежните од локалната власт и Министерството за образование па чекаме нивна реакција за да можеме да го искористиме овој летен период – изјави Гордан Стојчевски, директор на Гимназијата.

Доколку не се реши проблемот со просторот, од есен ќе недостигаат четири училници, што значи дека исто толку класови средношколци ќе имаат слободен час и наместо во училиште ќе бидат во околината на  Гимназијата, незгрижени.  На ова реагираат и родителите на учениците кои се загрижени каде ќе престојуваат нивните деца.

Не е во ред детето 45 минути да талка низ школото. Во околината има доста кафитерии, така што лани се случуваше таму да го минеа слободното време. Наместо на училиште, децата да седат во угостителски објекти - велат родителите на велешките гимназијалци. Тие бараат надлежните до есен да го решат овој проблем и илјада ученици да имаат настава како што доликува за  времето во кое живеат.

Иако Гимназијата Кочо Рацин  од Велес  е најстарото средно училиште во Македонија кое има традиција од 153 години, нема своја зграда, тоа е потстанар на Хемиското училиште бидејќи објектот гласи на соседите  од ,,Димитрие Чуповски,, .