Петар Печков

Објавено: сабота, 12 септември 2020 818 139

МВР излезе со информација, но и со идентитетот на лицата, од сообраќајката ,која се случи вчера, петок, околу пладне, после наплатна рампа Отовица, од автопатот Велес- Скопје. Во сообраќајката со потешки и полесни повреди се здоби  тричлено семејство од Битола, кое патувало за Скопје.

На 11-ти септември во 11  часот било пријавено дека на автопатот Велес - Скопје, после наплатната станица „Отовица“ се случила сообраќајна незгода помеѓу патничко моторно возило “фиат стило“ со битолски регистарски ознаки управувано од В.В.(56) од Битола и товарно моторно возило -влекач “ман“ со полуприколка со кавадаречки регистарски ознаки управувано од Г.Н.(43) од Неготино - соопштија од МВР.

Во незгодата со тешки телесни повреди се здоби возачот В.В. и сопатничка од истото возило С.В.(54) кои поради тоа беа пренесени на КАРИЛ  во Скопје а  нивната 15 годишна  ќерка, иако со полесни телесни повреди, бидејќи била лице со посебни потреби исто така е префрлена на Ургентен центар во Скопје.

Извршен бил увид на местото на настанот од екипа од СВР- Велес, и по извршените анализи ќе биде познато причината за сообраќајката.