Петар Печков

Објавено: недела, 22 јули 2018 562 273

Енис Небиоски попладнево возеше во полуфиналето на СП во кајак на диви води -слалом, во дисциплината К-1.   Од  40 натпреварувачи тој го зазеде 30-то место што е резултат за почит, но и најава дека од него може да се очекуваат уште подобри резултати.

Претходно возеше одлично во квалификациите кога од 81 натпреварувач го освои 30-тот место и влезе во полуфиналето.  СП се одржа на патеката Иври во Италија.  Светски првак во подоцнежното возење стана Чехот Барта.     

Следниот предизвик за Енис Небиоски  е Европското првенство во кајак на диви води слалом кое ќе се одржи на патеката Матка крај Скопје од 2-ри до 5-ти август.  На него целата македонска репрезентација која ќе учествува  е составена од кајакари од Велес 

Кај младинците ќе возат:  Енис Небиоски, Кристијан Игнатов, Џенгис Небиоски, Мартин Мазнев  додека  до 23 години ќе настапат:  Виктор Миланов, Александар Златаров и Никола Димов. Во двете категории македонските репрезентативци ќе возат и екипно 3х К-1.