Петар Печков

Објавено: четврток, 04 мај 2023 480 48

Комисијата за проценка на штети ги објави проценките колкава штета предизвика невремето во велешко на 4 јули и 20 август мината година.  

Невремето на 4 јули предизвикало штета на една викенд куќа, четири летниковци од угостителски објекти и еден кров од  гаража. Невремето од 20 август оштетило една викенд куќа, пет станбени згради и објект од нестопанска дејност. 

При тоа констатирани се штети од  209 илјади за невремето од 4 јули и 444 илјади за невремето од 20 август. Или вкупно околу 10,5 илјади евра а во денари  652 илјади.

Оштетени биле вкупно и шест автомобили и пет соларни системи.  Во двете невремиња имало обилни врежи од дожд, проследено со силен ветер.

Овој извештај Советот на општина Велес  го усвои едногласно, и ќе биде препратен до Владата. Таа треба да ги обесштети граѓаните кои пријавија и добија потврда за штета со о 10 отсто од проценките.