Петар Печков

Објавено: четврток, 22 март 2012 962 359

Стотина поранешни вработени во Порцеланка протестираа пред ПЕ на Агенцијата за вработувње во Велес. Тие бараат почитување на пресудата на Управниот суд, со  која  треба да добиваат паричен месечен надоместок поради тоа што фабриката каде работеле била во државна сопственост, кога тие биле отпуштени  и заминале на Бирото за вработување.

Имаме пресуда од Управен суд која директорот на Агенцијата за вработување не ја почитува. Се најде некој  кој смета дека е над сето тоа и дека не би требало да добиеме  пари - рече Ѕвонко Самарџиев некогашен вработен во Порецеланка.

Совесно и длабоко ќе се впуштиме во утврдување дали Порцеланка е приватизирана во тој период или не. Се додека не ги испитаме сите тие документи не можеме да излеземе со конечна одлука вели  Анѓел Ѓеорѓиев, раководител на Агенција за вработување во Велес.