Петар Печков

Објавено: среда, 21 јануари 2015 1003 303

Директорката на ОУ Васил Главинов ја демантираше вчерашната изјава на претседателот на СОНК за Велес, дека во нивното училиште некој штрајкува. 

 И во текот на вчерашниот ден и денес вторник, во училиштето нема штрајк.   Никој од професорите не го поддржа штрајкот на  СОНК.  Колегата кој зборуваше дека имало слаб одѕив, во текот на денешниот ден не беше  на работа, нашол замена - изјави директорката Лилјана Коцева.  Вчера во телефонски разговор  претседателот на  СОНК за Велес  Петре  Јорданов,  рече дека штрајкот имало и во ОУ Васил Главинов, но со слаб одѕив.

 Штрајкот продолжи и втор ден во средното училиште Коле Неделковски, каде повеќето од половината професори  од 80-те,  доаѓаат на работа но не држат настава. Тие одлучиле од утре, среда,  да го стават штрајкот во мирување, но нивните барања остануваат.

 Просветните работници бараат  зголемување на платите, како и укинување на казните на наставниците воведени врз основа на екстерното оценување.