Петар Печков

Објавено: вторник, 15 февруари 2022 462 102

Еден од честите проблеми со кои се судруваат вработените во ЈКП Дервен  е чистење на затната канализација. Тоа се случува на различни делови од градот.Последен пат тоа беше  случај на  канализационата линија на ул. 11 Октомври, кај станбената зграда до Трговскиот центар.

„При интервенциите на вработените, утврдено е дека причина за затнувањето е огромно количество на влажни марамчиња, кои се неразградливи и не смее да се фрлаат во канализацијата“ – велат од ЈКП Дервен.

Апелираат до сограѓаните да не фрлаат во WC школките отпад од домаќинствата, масло, пепел од огништата или влажни марамчиња, поради тоа што за кратко време настанува затнување на канализацијата и може да дојде до несакани последици.