Петар Печков

Објавено: четврток, 13 октомври 2016 1865 278

Сообраќајка на автомобил кое  превезувало починат и друг автомобил во средата претпладне, се случила во близина на Велес. Еден од  патниците е тешко повреден.

Според МВР сообраќајката се случила  во средата во  9,30 часот на  регионалниот пат Велес – Раштани во близина на новите гробишта.  

Сведоците тврдат дека  возачот на ,,фиат добло, превезувал починат и возел кон гробиштата во Раштани а во негова придружба било уште едно возило.

Во сообраќајната незгода учествувале  два автомобили со велешки регистарски ознаки,  ,,фиат добло,, управуван  од  Д.Ј. ( 61 год) и  ,,ауди,, управувано од Ф.Е. (18 год). Во незгодата двајцата возачи се здобиле со лесни телесни повреди, додека сопатничката во аудито  В.Е. ( 41 год). има тешки телесни повреди – скршеници и е задржана на лекување во велешката Болница  – изјавија од МВР.  

На лице место излегла увидна екипа на СВР Велес а истрагата ќе покаже како дошло до сообраќајката, на пат кој е тесен и тешко прегледен.