Петар Печков

Објавено: понеделник, 14 февруари 2022 1783 82

Одделението за рендген за заби, при ЈЗУ Здравствен дом Велес,доби нов апарат за тридимензионално снимање. Тој е набавен од сопствени средства и е во функција неколку месеци.

 „Апаратот е со најнова технологија, нема многу такви во земјава, освен во Скопје, Тетово и сега во Велес. Пациентите добиваат многу квалитетна, прецизна слика за состојбата со нивните заби за имплатанти, или кога има потреба од тешки оперативни зафати со оштетување на забите“ - вели Лујза Гочева спец. радиолошки технолог.

Апаратот е набавен два месеци и за овој период пациентите доаѓале и ги користеле услугите. Постапката на снимање трае 10-тина минути и податоците кои се добиваат се многу јасни и точни. Тридимензионалното снимање  можат да го користат сите пациенти, не само од Велес туку и од други градови од земјава.

„Со набавка на овие нови апарати, и во рендген одделението и во биохемиската лабораторија, овозможуваме пациентите да имаат поголема покриеност со здравствени услуги, да не мора да патуваат надвор од градот. Или се грижиме за нивното здравје во сите сегменти“- вели в.д. директорката Виолета Петкова.